ہر کوئی دیس میں جب مجھ کو لگا بیگانہ |
ایک سا مجھ کو ہوا ، شہر تھا یا ویرانہ |
کون کہتا ہے جنوں عشق کا لے ڈوبا ہے |
لوگ کہتے ہیں کہ صحرا کو چلا دیوانہ |
سرسری ذکر مرا اُس میں کہیں آیا تھا |
جو مرے نام سے مشہور ہوا افسانہ |
روک لیتا وہ بھلا کیسے برادر اپنا |
وہ تو بھولے سے کہیں رکھا گیا پیمانہ |
رازداری کا سلیقہ تو مجھے آتا ہے |
کیوں بھلا میں ترے رازوں سے رہا انجانا |
جاں لُٹانے کے بھی سامان ہوا کرتے ہیں |
جب جلے شمع تبھی آئے گا واں پروانہ |
بن پئے کون گزرتا ہے وہاں سے طارقؔ |
میرے رستے میں تو اس کا ہی پڑے میخانہ |
معلومات