| کبھی تو مِرا یوں تو تھا بھی نہیں |
| مگر مجھ سے اتنا جدا بھی نہیں |
| مری عقل کہتی ہے اب بھول جا |
| مگر دل اسے بھولتا بھی نہیں |
| محبت اسے مل گئی ہے نئی |
| سو اب وہ مجھے دیکھتا بھی نہیں |
| ترے واسطے درد لاکھوں سہے |
| مگر تجھ سے کوئی گلہ بھی نہیں |
| ملی عمر بھر ہم کو اس کی سزا |
| کہ جو جرم ہم نے کیا بھی نہیں |
| نہیں اب محبت وہ ہم میں رہی |
| کہ وہ مجھ سے اب روٹھتا بھی نہیں |
| سبھی پر عیاں ہے یہ دھوکہ مگر |
| محبت سے کوئی بچا بھی نہیں |
| اگرچہ نہیں دل میں اترا مگر |
| ابھی تک نظر سے گرا بھی نہیں |
| اسامہ ابھی وقت ہے روک لو |
| ابھی وہ یہاں سے گیا بھی نہیں |
معلومات