| ایسے حالات آج کل شاہد |
| کہیں جاؤں نہ میں پگھل شاہد |
| عمر گزری رہے وہی کے وہی |
| پوری دنیا گئی بدل شاہد |
| کامیابی کے گر مجھے معلوم |
| مجھ سے ہوتا نہیں عمل شاہد |
| تم کو کچلا ہے ساری دنیا نے |
| تو بھی لوگوں کو اب کچل شاہد |
| ڈارون صاحب نے تھا یہ فرمایا |
| زندگی معرکۂ جنگ و جدل شاہد |
| اتنی بے چارگی میں جیتے ہو |
| اب نکالو کچھ اس کا حل شاہد |
| آوارہ بادل کہیں نظر آیا |
| دیکھ کر دل گیا مچل شاہد |
| آج دیکھا اسے عدو کے ساتھ |
| جل گیا میرا آج دل شاہد |
| پیار کر کے مجھے ہوا معلوم |
| دماغ کا کیوں ہے یہ خلل شاہد |
معلومات