| دلوں میں نفرتیں بھر کے جو کاروبار کرے |
| تو کیسے ہو گا وہ حالات سازگار کرے |
| گلی گلی میں محبّت کا میری چرچا ہے |
| اسے یہ شکوہ ہے مجھ سے نہ کوئی پیار کرے |
| عجب زمانے نے دستور یہ بنایا ہے |
| جو سچ کہے اسے ملزم وہ بار بار کرے |
| جنوں میں کہتے رہے وہ حکایتیں اپنی |
| سنے تو کوئی خرد کا نہ اعتبار کرے |
| ابھی تو دور بہت دور مجھ کو جانا ہے |
| اسے یہ کہہ دو وہ میرا نہ انتظار کرے |
| وہ صاف لفظوں میں کہہ دے مجھے محبت ہے |
| یوں بات بات پہ غصّہ نہ آشکار کرے |
| بہار آ گئی گلشن میں پھول کھلتے ہیں |
| خزاں کے پتّوں پہ اب کون انحصار کرے |
| عجیب بات ہے کتنی وہ معتبر ٹھہرے |
| جو بات جب بھی کرے جھوٹ شاہکارکرے |
| یہ وقت جانے کا اب تو ارادہ رکھتا ہے |
| ملے گا درد اسے بھی جو دل فِگار کرے |
| یہ خواہشیں تری اک دن تو رنگ لائیں گی |
| کہ طارق اب کوئی امّید کی بہار کرے |
معلومات