| تغزّل ہے ترنّم ہے سلاست ہے روانی ہے |
| مجھے اک بات لیکن آج شعروں میں سنانی ہے |
| ہماری داستاں سن کر تمہیں بھی حوصلہ ہو گا |
| بہت جدّو جہد پھر کامیابی کامرانی ہے |
| خدا جانے ہماری زندگی کیا رنگ لائے گی |
| تموّج ہے تلاطم ہے خیالوں کی جوانی ہے |
| حکومت بادشاہی اور رعایا کے تعلّق میں |
| اگر انصاف ہو یہ امن کی ہوتی نشانی ہے |
| مبارک ساعتیں ہوتی ہیں دل پر جب اترتے ہیں |
| فرشتے اور روح القدس جب وہ رات آنی ہے |
| خدا جانے کب آئے گی وطن میں میرے تبدیلی |
| مگر لازم ہے ظالم کی بدلتی حکمرانی ہے |
| مجھے تکلیف دیتا ہے اگر کوئی کہے مجھ سے |
| مسلمانوں میں آخر کیوں یہ اتنی بے ایمانی ہے |
| اگر سُن لیں ہدایت وہ خدا نے ہے جسے بھیجا |
| تو شاید وہ سمجھ جائیں یہ نُسخہ آسمانی ہے |
| نہ بدلیں جو خدا نے آج تک ان کو نہیں بدلا |
| خدا نے صاف لفظوں میں بتائی یہ کہانی ہے |
| مجھے طارق یہ بیماروں سے کہنا ہے ادھر آؤ |
| مسیحا سے شفا پاؤ یہیں پر زندگانی ہے |
معلومات