| آفت ایک اور آسمانی چاہیے |
| سیدھے رستے کی نشانی چاہیے |
| بستیاں برباد کرنے کے لیے |
| دریا کو تھوڑی روانی چاہیے |
| پیار غائب چند لمحوں میں ہوا |
| بس ذرا سی بد گمانی چاہیے |
| ڈھونڈتا ہوں دوستوں کو آج کل |
| مجھ کو وہ صحبت پرانی چاہیے |
| کچھ نہیں اب چاہیے اس عمر میں |
| مجھ کو بس عہدِ جوانی چاہیے |
| پیار کا جادو بہت آسان ہے |
| بس ذرا جادو بیانی چاہیے |
| راہبر کو ڈوب مرنے کے لیے |
| بس ذرا چلو میں پانی چاہیے |
| فتویٰ ان پر داغنا ہے کفر کا |
| وعظ میں آتش بیانی چاہیے |
| اب تو بس مشہور ہونے کے لیے |
| ایک ہی رسوا کہانی چاہیے |
| آگہی کے راستے پر ہوں ابھی |
| مجھ کو تھوڑی بے نشانی چاہیے |
معلومات