| ناکامی پانے سے کبھی رویا نہ کیجئے |
| ہمت سے منہ کو اپنے بھی پھیرا نہ کیجئے |
| ہمدردی، خیر خواہی کے کاموں میں دل لگے |
| "ہرگز گناہِ عشق سے توبہ نہ کیجئے" |
| مجبوریاں تھیں درمیاں میرے اے ہمنوا |
| نفرت بھری نگاہوں سے دیکھا نہ کیجئے |
| احسان کے ہی بوجھ تلے دب چکے تھے ہم |
| محفل میں خوامخواہ بھی رسوا نہ کیجئے |
| جور و ستم کا ڈٹ کے کرے سامنا یہاں |
| غیرت کا اپنے خوف سے سودا نہ کیجئے |
| پاکیزہ سوچ حاوی ہو ذہن و دماغ پر |
| کچھ اضطرابی حالتیں پیدا نہ کیجئے |
| ڈھل مل یقین رکھنے سے ناصؔر گریز ہو |
| ناحق برے عقیدوں میں الجھا نہ کیجئے |
معلومات