| محبّتوں میں تماشا نہیں کِیا کرتے |
| جہاں ہو دوستی گِلہ نہیں کِیا کرتے |
| جو روٹھ جائے اسے جا کے خود مناتے ہیں |
| ذرا سی بات پہ جھگڑا نہیں کِیا کرتے |
| جہاں پہ دے دیا دل جان بھی لُٹاتے ہیں |
| منانا یار ہو تو کیا نہیں کِیا کرتے |
| ہیں خواب اچھے مگر یاد میں کبھی اس کی |
| اُڑے جو نیند تو شکوہ نہیں کِیا کرتے |
| بڑھے جو کھول کے بانہیں گلے ملیں اس کو |
| یونہی تو خانۂ دل وا نہیں کِیا کرتے |
| جنوں میں کتنے ہی مسکن اسے بناتے ہیں |
| گلہ جگہ کا تو صحرا نہیں کِیا کرتے |
| ہیں آتے راستے میں ان کے موڑ تو بے شک |
| سفر یہ ترک تو دریا نہیں کیا کرتے |
| خلوص جن میں نہ طارق ہو ، دور رہتے ہیں |
| وہ لوگ دل میں بسیرا نہیں کیا کرتے |
معلومات