| نور و جمال ہستی آقا نبی ہیں میرے |
| باعث قرارِ من بھی تنہا نبی ہیں میرے |
| دی جاں ہے زندگی کو سرکار کی عطا نے |
| دل جس سے ہے دھڑکتا آشا نبی ہیں میرے |
| آباد یہ چمن ہے جس آگہی کی خاطر |
| اس سوچ کی بھی غایت مولیٰ نبی ہیں میرے |
| اسریٰ میں کچھ قدم تھے اس حدِ لامکاں تک |
| دیکھو دنیٰ میں یکتا اعلیٰ نبی ہیں میرے |
| میثاق رات سارے باراتی انبیا تھے |
| جس لیل کے حسیں تر دولہا نبی ہیں میرے |
| منظر خدا نے سارے اس باغ کے نکھارے |
| جس کی یہ رونقیں ہیں داتا نبی ہیں میرے |
| یوں خوفِ حشر سے تو محمود مت لرزنا |
| دلبر شفیعِ محشر یکتا نبی ہیں میرے |
معلومات