| مری بہشت یہی ہے مجھے عطا کر دے |
| مجھے وصال کی لذّت سے آشنا کر دے |
| تجھے جو پائے مری روح کو قرار آئے |
| تُو ایسا ذات میں اپنی مجھے فنا کر دے |
| نظر اُٹھا کے تجھے دیکھ پاؤں پل دو پل |
| کہیں سے حوصلہ مجھ کو بھی ایسا لا کر دے |
| مرے وجود پہ وہ انقلاب آ جائے |
| گناہ میرے سبھی مجھ سے جو جُدا کر دے |
| ہے کُن کی منتظر اب بھی یہ کائناتِ دل |
| کرے جو پاک اسے تُو وہی صدا کر دے |
| خیال خام ہے طارق اگر کوئی سمجھے |
| کہ جان دے کے حقِ بندگی ادا کر دے |
معلومات