| یہ درد کا گھاؤ ابھی بھر کیوں نہیں جاتا |
| یہ غم کا مد و جزر ٹھہر کیوں نہیں جاتا |
| اک خوف کے حالے نے مجھے گھیر رکھا ہے |
| ماضی میں ہوا اس کا اثر کیوں نہیں جاتا |
| ہر روز گرا گر کے سنبھالا ہے خودی کو |
| ٹوٹا ہوں کئی بار بکھر کیوں نہیں جاتا |
| اک پل سے زیادہ میں کہیں رک نہیں پاتا |
| اب میری لکیروں سے سفر کیوں نہیں جاتا |
| گھر کے سبھی کونوں میں ہیں یادوں کی صلیبیں |
| بس یہ ہی بہا نا ہے میں گھر کیوں نہیں جاتا |
| اب اس کے خدوخال بھی اک خواب کی مانند |
| شاہدؔ وہ مرے دل سے اتر کیوں نہیں جاتا |
معلومات