| سحر ایسا ہے ایسی ہیں ہوائیں |
| بچھی ہیں راستے میں کہکشائیں |
| میں اب آزاد ہوں اپنی انا سے |
| میں بھولا ہوں وہ ماضی کی کتھائیں |
| خوشی اب روح میں جاگی ہے ایسی |
| زمانے سے اسے کیسے چھپائیں |
| میں اب اس راہ پر آیا ہوں جس سے |
| بس آگے کو ہی جاتی ہیں دشائیں |
| قدم خود سے ہی آگے بڑھ رہے ہیں |
| میری ہمراہ ہیں کچھ اپسرائیں |
| بہاریں بھی نہ راس آتی تھیں پہلے |
| اور اب تو خوبصورت ہیں خزائیں |
| میرے اندر خلاء تھا اس سے پہلے |
| میرے باہر ہیں اب ہر سو خلائیں |
| بہت حیرت سے اب میں سوچتا ہوں |
| کیوں دیں خود کو میں نے یہ سزائیں |
معلومات