| لوگ تنہائی کا اتنا جو گِلا کرتے ہیں |
| سب کے ہاں کیا کوئی مہمان ہوا کرتے ہیں |
| جو بھی شاعر تری صحبت میں رہا کرتے ہیں |
| کوئی اچھی سی غزل روز کہا کرتے ہیں |
| داستاں تیری عیاں چہرے سے ہوتی ہے مگر |
| ہم بصد شوق کئی بار پڑھا کرتے ہیں |
| تیرے دیدار کو پائیں ترے ہمراہ رہیں |
| ہم بہانے تو کئی ڈھونڈ لیا کرتے ہیں |
| تیرے ہونٹوں کے تبسّم سے جو آتی ہے بہار |
| دل کے گلشن میں سبھی پھول کھلا کرتے ہیں |
| بستیاں ہوتی ہیں ویران سبب کچھ تو ہے |
| ہم سے ربّ تو نہیں ناراض پتا کرتے ہیں |
| رات دن اپنے ہی کاموں سے جو فرصت نہ ملی |
| زندگی خاک ہے گر ایسے جیا کرتے ہیں |
| طارق ان قدرتی آفات سے مل جائے نجات |
| آؤ ہم مل کے سبھی خاص دُعا کرتے ہیں |
معلومات