| میں ہوں موجود یا ہوں بس گماں میں |
| میں زندہ ہوں کسی خوابِ رواں میں |
| مجھے اب ڈھونڈنا ہے ہوں کہاں میں |
| نشاں ملتا نہیں اب اس مکاں میں |
| میں مے خانے میں یا کوئے بتاں میں |
| یوں میری عمر گذری ہے زیاں میں |
| مجھے دیواریں گھر کی کاٹتی ہیں |
| لگا دوں آگ اپنے آشیاں میں |
| بھنور تھا کوئی جس میں عمر گزری |
| مسلسل میں رہا اک امتحاں میں |
| سکوں ڈھونڈوں میں مے میں اور دعا میں |
| میں لٹکا ہوں کہیں پر درمیاں میں |
| زمیں پر بوجھ بنتا جا رہا ہوں |
| مجھے اب چل کے رہنا آسماں میں |
| میں اپنے آپ میں گم ہو گیا ہوں |
| میں اترا ہوں اب ایسے بیکراں میں |
| میں آتا ہوں ذرا ٹھہرو نشاں میں |
| ابھی کچھ تیر باقی ہیں کماں میں |
معلومات