جب کسی نے کوئی بنائی بات |
چار لوگوں کو وہ بتائی بات |
تاکہ پھیلائیں اس کو سوچے بنا |
ان کو کس نے ہے یہ سنائی بات |
سوچنے کی ہے بات یہ لیکن |
کیا ہے اخلاق نے سکھائی بات |
گر امانت سمجھ کے سن لیں ہم |
پھر نہ آگے کریں پرائی بات |
راز کی بات ہو تو یہ سوچیں |
کون روکے گا منہ پہ آئی بات |
آدمی قول کا ہے سچا وہ |
جس نے کر لی تو پھر نبھائی بات |
فیصلہ آپ نے ہی کرنا ہے |
جس نے بھی کی ہو ابتدائی بات |
رشتہ ٹوٹا تو دیں گے وہ الزام |
آپ نے گو فقط چلائی بات |
آگ سے تیز پھیل جاتی ہے |
گرچہ بے پر کی ہو اڑائی بات |
راز لوگوں کا کھول دیں کہہ کر |
دیکھو ہم نے نہیں چھپائی بات |
پردہ پوشی کسی کی رکھنا بھی |
ہے خدا کو پسند آئی بات |
ہے خموشی ہی بات سے بہتر |
جو کراتی ہے جگ ہنسائی بات |
خود بھی تحقیق جو کریں اس کی |
ہم نہ مانیں سنی سنائی بات |
عقل کی بات تو نہیں طارق |
کر کے اپنی ہی گر گنوائی بات |
معلومات