| حیرانگی سے میں ہوا دو چار دو گھڑی |
| ہوتا ہے راستہ کبھی دشوار دو گھڑی |
| اس نے قلم کو رکھ دیا ہے اپنے ہاتھ سے |
| یہ ماننے کو میں نہ تھا تیّار دو گھڑی |
| اس واسطے رُکا تھا وہ تھوڑی سی دیر کو |
| سستا لیں راستے میں تھے اشجار، دو گھڑی |
| منزل تو دور ہے ابھی چلنا ہے دور تک |
| محفل میں اپنے یار ہیں دو چار دو گھڑی |
| آسان کب ہوا ہے کبھی عشق کا سفر |
| پھر کیا عجب کہ ہو گئے بیمار دو گھڑی |
| شاید کوئی خیال ہو آرامِ جاں کا ہی |
| اچھا ہے اس سے چھوڑ دو تکرار دوگھڑی |
| بُھولا ہے صبح شام کو گھر لوٹ آئے گا |
| کچھ ہوں گے فی البدیہہ جو اشعار دو گھڑی |
| شعر و سُخن کی قوّ تیں جیتیں گی ایک روز |
| رہنے دو اس کو برسرِ پیکار دو گھڑی |
| طارق ترے جو رہنما ہیں ان میں یہ بتا |
| دیکھے کہیں تکان کے آثار دو گھڑی؟ |
معلومات