ملتی ہے دل کو راحت حاجی علی کے در پر |
ہوتی ہے پوری حاجت حاجی علی کے در پر |
ہر ایک کی زباں پر حاجی علی کا نعرہ |
مچھلی بھی کرتی مدحت حاجی علی کے در پر |
پانی پہ حکمرانی کرتے ہیں میرے داتا |
چل دیکھ یہ کرامت حاجی علی کے در پر |
تسکینِ قلب ملتی دکھ درد کی گھڑی میں |
مٹ جاتی دل کی کلفت حاجی علی کے در پر |
بھرتے ہیں جھولی خالی کیا شان ہے نرالی |
چہرے پہ آتی فرحت حاجی علی کے در پر |
صبح و مسا فرشتے آتے سلامی دینے |
اللہ کی ہے رحمت حاجی علی کے در پر |
حاجی علی کے صدقے بگڑی بنی تصدق! |
ہم پر ہوئی عنایت حاجی علی کے در پر |
معلومات