| نقش سارے مٹا کے آیا ہوں |
| اس کی یادیں بھلا کے آیا ہوں |
| اک سمندر ہے آنکھ میں باقی |
| اِیک دریا بہا کے آیا ہوں |
| جس کو خود پہ غرور ہے، اُس کو |
| آئینہ اک تھما کے آیا ہوں |
| عین ممکن ہے وقت کروٹ لے |
| ایک دنیا جگا کے آیا ہوں |
| کیوں سمندر کا دل نہیں بھرتا |
| کتنے دریا گِرا کے آیا ہوں |
| پیار مجھ سے حساب مانگے گا |
| کتنے لمحے گنوا کے آیا ہوں |
| نام ہو یا نہ امر ہو پھر بھی |
| اپنی ہستی مِٹا کے آیا ہوں |
| گرچہ آیا ہوں دیر سے مانی |
| اس کو اپنا بنا کے آیا ہوں |
معلومات